上一篇網誌是關於畢業旅行 有點難為情 因為旅情都完了這麼久 還沒有更新過網誌 還停留在旅程準備的階段 即使現在想補寫 也實在有點困難 因為在記憶中 那已經是很久以前的事了 大學畢業 投身社會工作 現在剛好一年 只有無限感慨...
**********
今次既旅程將會係12-21.10.2013 十日九夜 橫誇了我的23歲生日 相當令人期待! 雖然4月已經向公司請了年假 但都等到9月頭先才開始睇機票睇民宿定行程 大約2星期後終於有了定案
機票
12 Oct 16:40-18:00 香港往高雄
21 Oct 19:30-21:15 台北往香港
成日見其他人可以買到好平好平幾百蚊既機票 但因為自己唔太熟 又唔想成日要捕住D優惠 所以總覺得這些機會不是我的 然後本想自己上航空公司買 但又懶得研究點樣買最平 最後就透過萬福旅行社買 華航 每人$2060 好似已經係二人同行既優惠
長途車
12 Oct 高雄往墾丁
可以搭巴士 墾丁列車/高雄客運 #9117 NTD330 車程大約2小時
但因為book墾丁民宿時 iLoveKenting推介有一人HKD100接送服務 好像蠻不錯 (還未決定啊)
15 Oct 高雄往台中(目的地是清境)
經過一番考慮後 決定乘高鐵 比火車省時得多
上高鐵網站查詢班次及價錢 發現原來早買有著數! 由起程日期8日前至28日前網上訂票 有早鳥優惠 有9折/8折/65折! 有3項條款值得留意:
1. 乘車票限票載指定之日期及車次有效。持用早鳥優惠車票而自行改乘其他車次者，恕不再享有原早鳥優惠，旅客應補足為全額票價。
2. 持用早鳥優惠車票旅客如因故不及乘車，經本公司人員處理後得空位搭乘當日其他列車，惟須補足為全額票價。
3. 變更乘車票時，將依據變更後當時最優惠銷售價格重新計價，票款多退少補，不再適用原優惠折扣。
訂票後仍有可以改票 相當不錯 暫時決定是 14:00-14:58 #700 現在仍有早鳥8折優惠 折後是每人NTD685
17 Oct 台中往台北
也是乘高鐵 暫時決定是 20:15-21:06 #242 今天下午看時仍有65折 現在只有8折>< 折後是每人NTD610
住宿
12-13/10/2013 (2 Nights) 墾丁
因為第一晚抵達已經係夜晚 只可以去到墾丁大街食下野 所以都係決定住近墾丁大街 搵左好幾間心水 悠遊墾丁呢個網好方便 所有關於墾丁既資訊都可以晌度搵到 用下低呢個街道圖搵民宿更清晰 對一個未去過墾丁 而又零認知既人黎講 呢個地圖簡直係救星 所有民宿既位置一目了然 唔知係咪已經集齊所有可選既民宿 但反正我都唔知邊度會俾呢個網更齊全 只要click民宿名稱就可以睇更多詳細資料
click入去後 可以睇到空房資訊 價錢 但總覺得佢唔update 所以我直接email問 亦有民宿網站連結 可以更清楚睇到有咩房型可以選擇
對墾丁民宿我只有1個好簡單既要求 - 海景浸浴 嘿嘿 有心水都一一send email問
1. 濱海風情旅店 VIP全景二人房 → 已經冇房
2. 遇見墾丁 海景二人房 → 有房 但唔係1st choice
3. 窩墾丁貝拉米塔 蜜月海景雙人房 → 已經冇房
4. 浪琴海 VIP面海蜜月房 → 第1晚冇呢間房
5. 墾丁海芋旅店 藍色裸女泳池Villa二人房 → 已經冇房
6. 南方太陽旅店北館 面海二人房 → 有房 但較遠 要行30分鐘先到大街
7. 峇里公主 山海景Villa蜜月房(201) → 有房 但唔係1st choice
遲遲未決定到 因為一直等緊最心儀既呢間 豐緻休閒旅店 真愛海景二人房 答覆 而佢晌緊要關頭 終於覆我email!! 等email真係好痛苦T^T 成個週末坐晌電腦面前睇住 臨訓到要用電話check一check T^T 正題: 佢竟然仲有房!! 仲要唔算好貴 續住2晚有優惠NTD3850+2900 → NTD3300+2400!! 好感動 佢個浴室真係好正:
繼續用email來往 留名確定了房間後 佢地會透過iLoveKenting(香港的網站)send個email黎 講要俾幾多錢 然後直接ATM過數去香港acc 好簡單 過數後影低收據 reply email俾iLoveKenting 就搞掂! 穩陣起見 我同時都將收據email俾民宿果個人 佢地都有覆返email話收到錢 事後發現 原來我已經俾哂全數 但平時通常只係落一半訂... 算啦 唔理喇
以上可見 我早一個月book房已經有好多正房俾人book左 所以下次真係要再早早早D plan!!
14/10/2013 (1 Night) 高雄
高雄對我黎講 只係一個中轉站 只係會留一晚宿 所以對呢晚住宿冇咩特別要求 只希望用最最最平既價錢 住到一間交通方便 乾淨正常既旅店 用左以下2個網站幫手
1. 玩全台灣-高雄民宿網
2. 台灣民宿住宿網
冇悠遊墾丁咁方便 因為冇民宿位置總列地圖 亦都冇顯示各民宿既查詢email 唔可以直接email問 不過只要登記左做網站會員 就可以隨時去各民宿既留言版留言 問仲有冇房同價錢 留言時要留email 大約一日內就有人會回覆 系統會send email通知有人回覆左 只要click返條link就會direct去返果個page 唔洗自己記低 然後只要打返email 就可以睇到回覆 亦都好方便
最後揀左 亞特主題套房 六合館6B 景觀二人房 很不錯的! 只係NTD980 平靚正!
今次俾訂金係用線上付款形式 類似paypal物體(?) 過到半數訂金後screencap一張email俾佢 完成
15-16/10/2013 (2 Nights) 清境
原本想第一晚住日月潭 但因為唔想搬多次行李 又覺得日月潭D民宿冇咁靚(90%直覺 因為未認真去搵時已經轉了plan) 而我又見到清境D民宿好多都有觀星天窗 所以就貪心地決定晌清境住2晚 亦都因為16號係我既生日*v* 所以我要善待自己 搵間最好既黎住
去清境旅遊資訊網 都有地圖導覽
但好奇怪地 地圖上好多民宿都係冇得direct click入去既.. 其實咁樣真係好易miss左D好野 如果有心有力有時間有要求的話 真係要不厭其煩記住個名 再出去search黎睇下
今次我既選擇條件其實已經講左 就係要有觀星天窗喇 =v= 睇相岩心水就send email問
1. 清境雲頂渡假山莊 雲頂經典雙人房 → 冇房
2. 事外桃源 藍色景觀狂想屋 → 有房 又平 NTD2600一晚 仲要係好有格調既木屋
(看到天窗嗎?)3. 清境瑪格麗特民宿 vip山湖蜜月2人房 → 有房 但貴 NTD4060一晚 冇天窗但有超大玻璃 不過始終唔係最想要既野
4. 人間清境 星河景觀房(2人) → 冇天窗但有超大玻璃 唔係最想要既野
原本其實真係扑槌要事外桃源架喇 不過因為俾我搵到一間更更更正 更更更夢幻既屋 就係 清境雲南風情景觀山莊 僾尼樹屋-獨棟二人房 一睇相就知不得了
是樹屋啊!!!
還有我想要的天窗
180度景觀浸浴夫復何求啊T0T 一直等左幾日email都冇回音 真係有諗過放棄.. 但係因為實在太想太想住喇 所以星期一一返到公司就即刻打長途去問!! 頭2次都唔通 原來係因為我撥多左個"0" 嗯 太緊張喇因為 再打 通左! 用我畢生學過既普通話拎出黎用 劈頭第一句當然係問呢2日仲有冇房 等佢check既時候簡直連呼吸都唔係好敢 之後佢一句"剛好還有" 我簡直想晌公司大叫出黎! 然後我打算叫佢同我email再聯絡 點知佢話"我們忘了密碼" ....orz.. 好欣賞佢既直率 就係咁 簡單幾句 就confirm了booking 原本每晚NTD4600 續住2晚有優惠 NTD4000!!
----原來 冇白紙黑字記錄低對話 係咁令人不安.. 我諗 我已經有職業病----
又黎到落訂問題 當時唔醒起匯錢去台灣acc係要俾幾貴下既手續費 口快快講左會過錢 之後唯有再上網睇下有冇得用paypal 但點知佢個網又hand hand地 一時可以俾錢 一時又話停止服務 加上民宿主人似乎唔係太識網上運作 所以我都係決定再打去問清楚
一問之下 佢竟然話唔洗我落訂 (某幾句對話其實我唔明佢問咩) 總之佢就係話黎到先俾 仲叮囑我一定要去 當然啦當然啦! 我真係好想住下樹屋架 仲要係我生日當晚 *v* 就係咁 一切比想像中順利 yeh!
17-21/10/2013 (4 Nights) 台北
本來一心搵間好似高雄果間咁平靚正既住宿 玩全台灣-台北民宿網有好多選擇 用法同上面提到既高雄民宿網一樣 因為想住近中山國中捷運站 所以shortlist了不少 無意中又發現了一個住宿集團 香城飯店企業集團 總共有11間飯店/商旅 網站有好完善既系統 可以直接訂房 最後揀左最近國中站既呢間 香城商旅民生館 看過網上也有好評 應該都不錯
沒有留言:
張貼留言